Elnur Uğur - Yenə gecə səikssizlik
Ədəbiyyat
06:01 / 13.06.2026
Baxış sayı: 314
Yenə gecə səikssizlik,
Sükut özünü sərib üstümə.
İçimdəki insan səsi batır öz içində.
Bu dəri qəfəsimdə
Çırpınır ruhum,
Tilova düşmüş balıq qəzəbidir hər an.
Dayan,
Bir səs gəlir uzaqdan
Qurtuluş uzaqda deyil.
Bu sükutu arxanca qaçdığın yemin əzabı bil
Əzab günahın savabıdır.
Savab açardır
Səsləri açmağa.
Səsi batirmağa nə var ki.
Bir səsə səs vermək
Qurtuluşdur.
Səs ver öz səsinə qurtul,
Ya ol,ya da ol.
Bu düsturla qur həyatını
Əzizinəmlə başladığıntək
Əzizinəmlə bitir bu ömür bayatını
