Əlizadə Nuri - Üfüqləri kim çəkibdi tarıma?

Ədəbiyyat 11:40 / 06.09.2026 Baxış sayı: 159

 

Bu dünyanın əyri üzü ağrımaz,

Halal yeri, hamar yeri ağrıyır.

Kimlər qoyub bu dünyanı qumara?-

Taleyinin qumar yeri ağrıyır.

 

...Bu ağ çiçək bəlkə sənin əl izin?

Kədərini işığa at - ərisin.

Bircə dəfə adımı çək, əzizim

Adımdakı qubar yeri ağrıyır.

 

Üfüqləri kim çəkibdi tarıma?

Aman bulud, için- için zarıma.

...Zalım dostlar, gedin deyin yarıma

Həsrətimin tumar yeri ağrıyır...