Çıx qarşıma, yenə məni ovsunla,

Söz tapmayım, hətta dilim titrəsin.

Sənə tərəf addım atım- bir, iki,

Üçüncüdə sol ayağım büdrəsin...

Dodağından qaçıb keçsin təbəssüm,

Hiss edəndə varlığının gücünü.

Demə ki, ha, vurulmağa tələsdim, T

anımadan sənin şıltaq bürcünü.

Mən susmaqla nəsə deyim, göstərim,

Sən baxmaqla ifadə et özünü.

Əsgər kimi sıra tutub hisslərim,

Dinləməyə hazırdılar sözünü.

Bu halımı öz halınla yarı bil,

Ovsununun hikmətində durulum.

Ürəyini ürəyimin barı bil,

Dönə-dönə, hər an sənə vurulum.

Şeirin bədii təhlili

Əbülfət Mədətoğlunun "Təklif" şeiri məhəbbət lirikasının səmimi və təsirli nümunələrindəndir. Əsərdə aşiqin sevgilisi qarşısındakı daxili həyəcanı, psixoloji vəziyyəti bədii boyalarla təsvir olunur. İlk baxışdan doğan heyranlıq, eşqin sehrli gücü və daxili təlatümlərdir.

Sevginin insanı saflaşdıran, onu sözsüz anlamağa sövq edən ilahi bir qüvvə olmasıdır. Klassik heca vəznində yazılmışdır.

Ritm və qafiyə quruluşu axıcıdır. Müəllif fiziki hərəkətlərlə daxili həyəcanı birləşdirir.

"Dilin titrəməsi", "addım atarkən büdrəmə" hisslərin gərginliyini canlandırır. "Hisslərin əsgər kimi sıra tutması" sevgiyə olan ali ehtiramı və itaəti göstərir. "Mən susmaqla nəsə deyim, sən baxmaqla ifadə et" misraları daxili dialoqun bədii həllidir.

Sözlərin bitdiyi yerdə baxışların danışması romantik ab-hava yaradır. Aşiq sevgilisinin bürcünü, xasiyyətini bilmədən, sadəcə onun aurasına vurulmağı qəbul edir. Bu, saf duyğuların rasionallıqdan üstün olduğunu sübut edir. Sizə cansağlığı, bərəkətli ömür və yaradıcılıq uğurları arzulayıram!

Sevil Azadqızı

Filoloq. AJB, AYB-nin üzvü. Ədəbi təhlil-tənqidçi.

Yazar-publisist

03.08.2026