Sonuncu vəsiqə - bu başdaşları ,

Yazıblar üstünə imzalarını .

Həyat dərslərindən kəsilən daşlar ,

Çəkir ayaq üstə cəzalarını .

Axı , kim qarğıdı bu daşı , Allah ,

Məzara məhkumdur burda başdaşı .

Necə də doğmadır , əzizdir mənə

Anamın adını daşıyan daşım .

Ömrümüz daşlardan keçir , İlahi ,

Evlərə hörülən daşda həyat var .

Daşlar ayaq altda bir həyat yolu .

Dağı məğrur edər bu daş qayalar .

Qədər ilə gələr sınaqlarımız .

Heç zaman ürəklər daşa dönməsin .

Sevənlərin oxu dəyməsın daşa ,

Elçi daşlarında ümid sönməsin .

Xoşbəxt daşlara bax - üzük qaşıdır,

Ləldir , firuzədir , əqiqdir daşlar.

Haqqı nizamlayan daş tərəzidir ,

Məhək daşı kimi , dəqiqdir daşlar .

12 . 04 . 2026