Adı Yaş-ar olsa da,hamı onu Yaş-a deyə çağırırdı.

Yaş-a üst-başı yam-yaş,suyun içində evə gəldi.

"Tut ucundan göyə çıx" yağan yağışda islanıb ,tamam yaş olmuşdu yaş-laşıb yaş-a dolan Yaş-a...

Tələm-tələsik yaş paltarlarını çıxarıb atdı.Pencəyi yaş,köynəyi yaş,şalvarı yaş,saçları yaş...bütün yaş idi.

Həyat yoldaşı ağzında yaş-maq yaş paltarları paltar ipinin üstünə sərdi.

Yaş-a yaş bədənini yavaş-yavaş dəsmalla quruladı...

Arvadı döşəməyə palaz sərdi,palazın üstünə döşək atdı,bir də balınc.

Yaş-a sərildi döşəyin üstünə,həyat yoldaşı onun üstünə yorğan sərdi...

Yaş-a fikrə getdi...

Axı ertəsi gün o yeni yaş-ına qədəm qoyurdu.Yaş-ının üstünə yaş gəlirdi.

Yaş-laşırdı Yaş-a...

Dostları gələcəkdi,kabab çəkəcəkdi.Bir az köz üçün odun toplamışdı,o da yaş idi.Yaş odundan köz almaq uzun çəkərdi,kömür almalıydı.

...Yaş-a bir anlıq yaş-adıqlarını gözləri önündə canlandırdı.

Gözəl günlər də yaşayıb...elə-belə adi günlər də yaşayıb...işlərinin necə deyərlər "yaş "olduğu günlər də olub...

"Yaş-ın nə fərqi var" deyənlər səhv edirlər-düşündü Yaş-a.Yaş elə yaş-dı...

İnsan yaş-laşır,ahıllaşır,ağırlaşır,qocalır...

Həmişəyaş-ar nə var ki?!

Yaş paltarları qurudarsan, yaş bədənini qurulayarsan,yaş odunu da yandırarsan...

Amma yaşın gedibsə,qayıtmaz...yeni yaş-ını yaş-amalısan .Əgər yeni yaş-ını yaş-amağı Ulu Tanrı yazıbsa...

Yaş-a kövrəldi,gözləri yaş-la doldu...

Tərlədi Yaş-a: başı,boyun- boğazı ,bədəni yaş-dı...

Yataqdan qalxdı yenidən yaş bədənini quruladı Yaş-a...

...Yeni yaş-ını qeyd eləmək üçün tədarükə başladı...

Yaş-ıdları da gələcəkdi

Yaş-anın yaş-ına...

Yaş-a ,yeni yaş-ını sağlam canla yaş-a,yüz yaş-a!

İşlərinin "yaş " olduğu anlar olmasın...

...Bəli ,yaş-ın fərqi var...

Yaş elə yaş- dır...