Elnur Uğur - Mənim bəsirətimdə
Ədəbiyyat
17:52 / 20.09.2026
Baxış sayı: 124
Mənim bəsirətimdə,
Hər gün neçəsi kordu.
Mənim bəsirətimdə,
Zahid var gorbagordu.
Astar çəksən üzlərə,
Qarışar e düz, dərə.
Allah, baxan gözlərə,
Baxıram işıqfordu.
Qəlb odamda bir sükut,
Gəl səsin rəngini tut.
Bacarsan onu unut,
Bacarmasan, bu, zordu.
Gəldik, tutmadı sövdə,
Doğrandıq gövdə- gövdə.
Eh, mən yaşayan evdə,
Bir hörümçək, bir tordu.
Baxıram, hamı baxır,
Hər sondan bir ilk axır.
Zaman da eynək taxır,
Görək kim kimi yordu?
