Asıldı qayadan-daşdan,oğullar,

Vətəni çıxardı yasdan oğullar

Yazılmamış nağıl,dasdan oğullar

Ölmədim bu günü gördüm, İlahi!

Bu payızı gözlədim

Bahar kimi çiçək açdı bu payız,

Hər tərəfə işıq saçdı sarıllq.

Bu payızın bu il sanki yox idi,

Üzündə qəm ,qucağında ayrılıq.

Buludlar da göz yaşların sovmuşdu,

Bu göyərən ümidlərin xətrinə.

Göy üzü də qəm karvanı qovmuşdu,

Nəşə dolu bu günlərin xətrinə.

Zəfər yağır bu payızın gözündən

Sarı yarpaq sanki yanar məşəldi.

Çən -çisəyi selə dönüb elə bil,

Bu payızın ağlamağı gözəldi.

Torpağıma xoş gəlmisən payızım,

Zəfər gətir ,toy-düyünlər çox olsun.

Ellərimiz geyinsin yaz libasın,

Ömrümüzdən bu qəm kədər yox olsun!

Gözlərimə şəklin çəkib @@@@@ağrımın,

Həsrətimi ürəyimdə közlədim.

Dözə -dözə daş bağlayıb bağrıma,

Otuz ildir bu payızı gözlədim.

Oktyabr 2020