Səhər Əhməd - İlahi, mən sənin həmin qızınam

Ədəbiyyat 17:29 / 05.05.2026 Baxış sayı: 500

İlahi, mən sənin həmin qızınam,

Körpəykən əlindən tutduğun qızın.

Bəzən yüksəklərə qanadlandırıb,

Bəzən uçurumdan atdığın qızın.

Bir gün ən şərəfli zəfər daddırıb

Bir gün ən namərdə satdığın qızın.

 

Adıma yazdığın sözü saxladım,

Ruhuma cızdığın izi saxladım.

Mən səni sevgimdə təzə saxladım,

İlahi, mən sənin həmin qızınam…