***

amansızlıq

imansızlıq

divansızlıq

vicdansızlıq

və qansızlıq

***

gözlərini sıx,

göz qapaqların qovuşmursa,

demək, dərdin ağırdı...

***

yan bir küncdə,

qıvrıl, qovrul bir küncdə,

küləksiz, tufansız

hər yana sovrul bir küncdə...

***

sükut dili öyrənmişəm,

tərcümələrim də var...

***

nə suç işlə, nə səhv et,

əmək, əmək, əmək sərf et...

***

qəhrəmanlığın bu ucundan bax

o ucunda ölüm var ölümsüzlük...

***

göz yaşlarına səbəb olan

elə gözlərindi...

***

başı dik gəzənlər

heç vaxt dikbaşlıq etməz...

***

Çox dibdən, dibdən gəlib zirvədə qərar

tutmaq da var, var...

***

o, düşüncələrini

işə salıb

evdən çıxdı...

***

heyif,

daş insana dönmədi,

insan daşa döndü...

***

robot məhəbbəti,

robot sevgisi...

**

ac-acına

bir kölgəlikdə yatıya dəyən bu sürü var ya...