Əlizadə Nuri - Məktub

Ədəbiyyat 11:31 / 02.09.2026 Baxış sayı: 694

 

Qürbətdir əllərin görünməyən yer,

Qürbətin bir üzü elə qəfəsdi.

Qaldır əllərini mənə tərəf tut-

Mənə əllərinin kölgəsi bəsdi.

 

Hər gün sən tərəfə burulur bu yol,

Bu yol əllərinə yetişər haçan?

Daha bundan belə şeirlərimi

Sənin əllərinə pıçıldayacam.

 

Sənin işığını tutub gəlirəm,

Nə səbrə həvəs var, nə də durmağa

Bir körpə göyərçin balasıyam mən

Gəlirəm ovcunda yuva qurmağa..