Xanım İsmayılqızı - Gecə də azad görünür

Ədəbiyyat 08:55 / 13.06.2026 Baxış sayı: 1578

Gecə də azad görünür

On üçüncü mərtəbədən...

Bir dəli baxış hörülür

On üçüncü mərtəbədən...

 

Hələ də vaxtdan ağırsan,

Nə qoyub, nə axtarırsan?

Ay adam, hara baxırsan

On üçüncü mərtəbədən?.

.

Yuxu qatılmağa hazır,

Gözə satılmağa hazır,

Ürək atılmağa hazır

On üçüncü mərtəbədən...

 

Külək də əlini üzüb

On üçüncü mərtəbədən...

Bütün mərtəbələr küsüb

On üçüncü mərtəbədən...

 12.06.26