Bəhram Bilaloğlu : - Payız, sən ətirli qadın sevmişəm

Ədəbiyyat 15:07 / 21.09.2023 Baxış sayı: 3811

 

Payız, sən ətirli qadın sevmişəm-

Gözləri saralan yarpağa bənzər.

Onun baxışında həyata sevgi-

Mənim gözlərimdə,bir bağa bənzər.

 

Keçdiyi yolları rəngarəng edər-

Payıza,daha çox oxşayan qadın.

Necə girdin axı,məsum ürəyə-

Yaşadı qəlbimdə möhtəşəm adın?!

 

Daha o payızın, rəngi də sənsən-

Tökülən yarpağlar sənin ətrindi.

Burda sevgilərdən üzlər çəkilir-

Üzlərin sevgisi qədər,dərindi.

 

Fəsillər içində bənzərsizsən sən-

Ruhum yaxın olur, hər səhər,axşam.

Ey mənim gözümdə payız qoxulu-

Yoxsan boğur məni,gəl,qəhər axşam.