İSMAYIL MƏRCANLI İMANZADƏ : - UDUZAN SIRADAN ÇIXIR...

Ədəbiyyat 17:16 / 29.07.2025 Baxış sayı: 1327

 

Xəbərin oldumu, Vətən,

Sızlatdı məni hər yetən.

Qəriblikdə bildim nədən

Qaşınmaz yerdən qan çıxır!

 

Yağıymış bəxtimi qapan,

Dərd-qəmdir canıma hopan.

Neyləyim, məni hər tapan,

Aldadıb aradan çıxır!..

 

Duayam, əhdəm, nəzirəm,

Qısılıb səbrə, dözürəm.

Elə ki insan gəzirəm,

Ürcahıma nadan çıxır!

 

Acı söz ürəyimdə çat,

Yurd ağrı-acım ta boyat...

Yaman amansızmış həyat,

Uduzan sıradan çıxır!

27.07.2022