Bizdə hər kəs sayılır imkana, var, yoxa görə.

Hörməti müəyyən olur, yığdığı az- çoxa görə.

Xidmətində qul olur, ağasının ac,yalavac.

Ona xalq tox görünür ,öz mədəsi toxa görə .

Gecə-gündüz çalışıb halal ,haram mal yığırıq,

Bir ömür əlləşirik beş - on metir ağa görə.

Yaradan bir- birinə varlığı möhtac yaradıb,

Öyünür ayna bulaq ,başı qarlı dağa görə.

Tapılmaz yüz arasaq səfasız səhranı sevə,

Torpaq da əzizlənir bar- bəhərli bağa görə,

Ey harın ,torpaq udan gordakı zənginlərə bax,

Əli boş əhli məzar bir ibrətdi sağa görə.

İlahi, minnətdardı şairə GÜL MAYA sənə,

Əbədi sönməyəcək ,söz adlı çırağa görə.