Abidənin mühafizə zonasında inşa olunan qanunsuz tikili sökülüb

HÜQUQ 10:23 / 31.05.2023 Baxış sayı: 1402

Xəbər verdiyimiz kimi bir neçə gün öncə Xaçmaz rayonu, Köhnə Xaçmaz kəndində yerləşən 4300 inventar nömrəli yerli əhəmiyyətli memarlıq abidəsinin mühafizə zonasında qanunsuz tikinti işlərinin aparıldığı aşkar olunub.

Azərbaycan Respublikası Mədəniyyət Nazirliyi yanında    Mədəni İrsin Qorunması, İnkişafı və Bərpası üzrə  Dövlət Xidmətinin mətbuat katibi  

Fariz Hüseynli   sorğumuzla əlaqədar olaraq  Yenises.az - a bildirmişdir ki,  " Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti tərəfindən abidənin mühafizə zonasında aparılan qanunsuz tikinti işləri ilə bağlı qanuna müvafiq tədbirlər həyata keçirilir. Artıq qanunsuz olaraq tikilən hasar sökülüb. 

Tarixi abidənin mühafizə zonasında tikinti işlərinin qarşısının alınması və yenidən təkrarlanmaması üçün aidiyyəti dövlət orqanlarına da müraciət olunub.

Abidənin mühafizəsinin gücləndirilməsi istiqamətində tədbirlər görülür."

 

Bir daha qeyd edirik ki, abidələrin qorunması haqqında Azərbaycan Respublikası qanunvericiliyini pozan şəxslər Azərbaycan Respublikasının qanunvericiliyinə uyğun olaraq cinayət, inzibati, intizam və mülki məsuliyyət daşıyırlar.