Elnur  Uğur Abdiyev : - Özümə...

Ədəbiyyat 07:44 / 11.06.2025 Baxış sayı: 1846

Yenə də doğma şəhər,yenə də tanış üzlər,

Doğmalar arasında yadam özüm- özümə.

Min- min adın içindən təkcə sənin adını,

Elə pıçıldayıram,adam,özüm- özümə.

 

Heyrtimdən donmuşam əlim üzümə çatmır,

Tumurcuq arzularım bir milli də boy atmır.

Bu qədər gözəllikdə heç nə könlümə yatmır,

Həsrətdən oxuyuram edam özüm- özümə.

 

Həyat kiçilib düşür gün- gün daha gözümdən.

Daha heç nə ummuram gecəmdən,gündüzümdən.

Sən gedəni özüm də elə getdim özümdən,

Bir də gələ bilmərəm müdam özüm- özümə.