OXLOVLU şeir

Sanki oxlov udub biri önümdə,

boyun qalstuklu,

ayaq tak-tuklu;

əslində, o mənlə üz-üzə deyil...

Özünü çox dartır, qırıla bilər,

yoxsa bu halına yaxşımı deyim?

Qəşəngmi görünür nazlı, ədalı?

bəlkə də belədi, sevəni də var...

Yüz oxlov lazımdır, onu bir yaya;

açın gözünüzü, oxlov udanlar,

açın neçə-neçə

acın gözünü...

BİR ANIN şeiri

Yarpaqlar nəmlənib, qalmamış kimi

heyi-hərəkəti budaqların da;

Elə bil əllərim kövrəldi birdən,

əl vurdum, islandı barmaqlarım da...

Səhəri açıblar dirigözlü, hə,

ağaclar itirib yuxularını...

Həsrətlə döyünən ürəklərsayaq

bulaq gizlədəmmir duyğularını.

Güllər qulağında qoy sırğa etsin:

-bir də gözlərinə şeh yığmasınlar...

İpək kimi yumşaq otlara bax bir;

qoy gəlib ovcumda bitsinlər onlar!..