Şakir Xanhüseyn :- Dağ kişini əridiblər mum kimi...

Ədəbiyyat 10:19 / 13.08.2025 Baxış sayı: 2081

Dağ kişini əridiblər mum kimi,

eləyiblər bir sümük, bir dəri, bax.

Ah-ufdadı uşaqları, qadını,

yaşamağın ta gedibdi suru, bax...

 

Sanki başı keçirilib nizəyə,

görənlərin canı düşür lərzəyə...

Bir rahat yer axtarırkən ölməyə,

ümid verir ona günün nuru, bax;

 

Yenə duyur çətinlikdə, dardadı,

nəfəsini güclə alır, zordadı...

Dediyim kəs hayandadı, hardadı,

gözünü bir dolandırıb bəri bax...