Elnur Uğur Abdiyev : - Müstəqillikmi bu?

Ədəbiyyat 08:04 / 29.07.2025 Baxış sayı: 1266

·

Hər şey ordan başladı.

Qadınlar çadrasını,

kişilər papağını

soyunduğu yerdən.

Yubkalar miniləşdikcə,

əxlaqlar miniləşdi.

Metrolarda retro öpüşlərlə

vaqonlar ehtiraslandı

növbəti dayanacağa.

Hər şey ordan başladı

qadınlar bədənini

kişilər vətənini satdığı yerdən.

Hər şey ordan başladı

müstəqillik sevdasından.

Biz müstəqilliyi bilməyə- bilməyə

müstəqillik qazandırdığımız ölkəyə

seriallarla qonaq getdik efirlərdən.

Hərdən

öz- özümə hesabat verirəm.

Müstəqillikmi bu?