Ehtiram Ilham : - BU QARA SEVDALAR...
Gündəm
12:51 / 20.04.2024
Baxış sayı: 943
Keçdi ömrümüzdən dar ağacıtək
Çəkdi ruhumuzu dara sevdalar.
Nə yeri göy sandıq, nə də göyü yer,
Hayandan yol aldı hara sevdalar?
Yox, şükür bu günə - ölməmişiksə,
Nahaqqa haqq deyib bilməmişiksə.
Bu fani aləmə gülməmişiksə,
Güləcək sərvətə-vara sevdalar.
Yalan kimi harda gətirdi dizə,
Sözü bir Eşq sanıb, Eşq dedi sözə.
Hələ Ehtiramla durub göz-gözə -
Bu qara sevdalar, qara sevdalar.
20.04.2023.
