Xatirə Rəhimli - Qoymadım

Ədəbiyyat 08:54 / 09.09.2025 Baxış sayı: 1525

Qoymadım ürəyim kəpənək kimi,

Belə güldən-gülə qonsun,qoymadım.

Hər yanda bir azca səadət tapıb

Hər oda bir azca yansın,qoymadım

 

Axdı göz yaşlarım bir varın üstdə,

Bir əhdin ,bir andın,ilqarın üstə.

Alınmış bir yalnış qərarın üstə

Ürəyimi sönüb donsun, qoymadım...

 

Getmədi eynimdən ,getmədi o büst,

Çünki əhdim dürüst,ilqarım dürüst.

Həsrəti etsə də ömrümü alt-üst,

Qoymadım vüqarım sına,qoymadım.