Başım daşdan daşa dəyib min kərə,

Ağlım hələ gəlməyibdir başıma.

Hafizəmdən silinsə də hər yazı,

Tanrı sözü həkk olunub huşuma.

Dolandıqca bu dünyanı xəyalım,

Vərəq üstə söz süzülür dilimdən.

Ürəyimdə haray çəkir nəğmələr,

Bəmim qalmır heç geridə zilimdən.

Hava isti, məzardan da yerim dar,

Həblərimin vaxtı çatır dalbadal.

Acqarına, toxqarına udhaud,

Udmadımsa evdə düşür qalmaqal.

Yavaş yeri addımını asta at,

İti addım atma hələ amandı.

Dünən səhər verdi həkim sərəncam,

Doldu başım dağ başıtık dumandı.

İdris, getdi sən gördüyün o çağlar,

Yaşa indi, bu zülümə döz, yaşa,

Yağlı olmaz, duzlu olmaz, ət az- az,

Heç tomat da vurmaq olmaz bozbaşa.

11.06.2025.