ŞƏHƏR HƏYATINA ALIŞMIR RUHUM -İdris Babayev
Ədəbiyyat
11:47 / 25.08.2025
Baxış sayı: 3008
Didərgin düşmüşəm eldən, obadan,
Günahkar nə yaddır, nə də ki, qohum.
Bədən şəkdən düşüb, olsa da rahat,
Şəhər həyatına alışmır ruhum.
Tüstüsü burulub dəyir buluda,
Həsrətdən alışıb, yanan qəlbimin.
Axtardım dərmanın yoxdur dedilər-
Məni bu çöllərə salan dərdimin.
Çox keçməz yiyəsiz qalan yurdumda,
Güvə, mirgə düşər gəbələrimə.
Zülümlə ,zillətlə tikdiyim o ev,
Danışar dərdimi nəvələrimə.
22.08.2025
