KÖNLÜMÜN

Dərələrim boyananda @gümüşə

Mayıl olan çağlarıydı könlümün.

Bap balaca təbəssümə, gülüşə

Qail olan çağlarıydı könlümün.

Gündüzlərin görkəmindən bay olan,

Gecələrin yaxasında ay olan,

Şeir olan, sovqat olan , pay olan

Xeyir olan çağlarıydı könlümün.

Eıim köç- köç yaylaqlardan enəndə

Yuyunardın dan üzünün çənində.

Diz çökərdim hər çiçəyin önündə,

Şair olan çağlarıydı könlümün.

15 fevral, 2025- cı ol.

     ***

Gözlərim gözəllik gəzər dünyada,

Dizlərim diz çökər daşda çeşməyə.

Mənim vaxtım olmaz

gözəl dünyada

Pis şeylər haqqında fikirləşməyə.

Bir yerdə dayanıb durarmı zaman,

Təkrarı olarmı bu şən günlərin?

Ömür ağacının budaqlarından

Gündə bir yarpağı düşən günlərin.

Ötən gün qızıldır, qızıl,- deyirsən,

Buna inanardım dostum, əgər sən

Yüz-yüz qızıl töküb, ötən günlərin

Tək bircə anını qaytara bilsən!