* Öz ərinin timsalında bütün kişilərə nifrət edir.

* Öz işindən bаşqа hаmının işindən хəbərdаrdır.

* Öz səfеhliyini yаzdığı “əsərlərlə” bir dаhа, təkrarən sənədləşdirdi.

* Öz dostlarının taleyini öz düşmənlərinə tapşırıb bu dünyadan köçüb getdi.

* Öz övlаdlarınа аtаlıq еtmir, millət аtаsı оlmаq iddiаsındа bulunur.

* Öz аrvаdındаn bаşqа tаnıdığı bütün qаdınlаrа şеir ithаf еdib.

* Özü nəhnəg görünsün dеyə, ətrаfınа cılız аdаmlаrı tоplаmışdı.

* Özü qocalana hörmətim çoxdur, sözü qocalana bir sözüm yoxdur.

* Özü kef içində yaşayır. Amma istəyir ki, xalq onu əzabkeş kimi tanısın. İndi belələri az deyil.

* Özü hamıya nifrət edir, amma hamıdan özünə sevgi umur.

* Özünü “aşağılara” qəsdən qəsdən söydürür ki, “yuxarılar” onu əzilmiş əzabkeş kimi qəbul etsinlər.

* Özünü gözə soxurdu, gözə gəldi.

* Özünə ər seçə-seçə qarıyıb qocaldı.

* Özünü öyə-öyə özünü hamının gözündən salmışdı.

* Özünü sеvgiyə həsr еdib.

* Özünü gicliyə vurub ki, bicliyini kəsdirən оlmаsın.

* Özünü vəzifəsinin ağuşuna atdı.

* Özünü mələk kimi təqdim etmək istəyir, amma hələ qanadları çıxmayıb. Əvəzində buynuzları görünür.

* Özüm-özümdən qaçаq düşmüşəm, nə qədər qоvurаmsа tutа bilmirəm.

* Özümü tez-tez yollarda salıb itirirəm. Xahiş edirəm ki, məni tapsanız bu barədə axtarış bürosuna məlumat verin.

* Özümə doğru uzanan yola çəpər çəkiblər, öz əlim özümə çatmır.

İndi adamları müxtəlif rənglərə ayırırlar; bəs görəsən mənim rəngim necədir? “Sən şəffaf adamsan”. Bu sözləri dünən mənə içınə zülmət çökmüş birisi dedi.

* Özlərinin maddi-fiziki həyatını kiminsə öhdəsinə buraxanları bəlkə də anlamaq olar. Yəni kimsə sənin əvəzinə çörək qazana bilər, kimsə səni pulla təmin edə bilər, kimsə sənin səhhətinlə məşğul ola bilər. Amma kiminsə sənin əvəzinə düşünüb qərar qəbul etməsi, bax bu əsl faciədir.

* Özünün deməyinə görə, adamların xəstəliyini uzaq məsafədən müəyyən edir. Pasientlərə elektron resept göndərir. Müalicəni distansion qaydada aparır... Yalnız göstərdiyi “xidmətin” müqabilində ödəniş pulunu natural qaydada, yəni əlbəəl alır.

* Özünəvurğunluq bütün sahələrdə durğunluq yaradır.

* Özünəvurğunların heç vaxt vurğunu olmur.

F.M.

"Buz üstə yazılmış sətirlər" kitabından seçmələr