Balacalar  üçün

--Divanın üstündə atdanıb- düşmə ay Suma!.Bir yerdə otursana.Qorxmursan divan sına?

--Necə, nə sına? Bəs oturum harasına?

--Otur elə ortasına...Otur minə qədər sana.

Suma incidi,küsdü,ağladı...

Atası baxdı onun gözlərinin qorasına,ürəyi ağrıdı.

Sakitləşdirdi Sumanı.Qucaqladı,saçını sığalladı,tumarladı.

Atası dedi Sumaya:

--Qulaq as,sənə bir hekayə

oxuyum.Adı belədir:"Dostu çətin gündə

sına"

Atası bu hekayənin bir az əl gəzdirmişdi orasına- burasına. Alınmışdı oxunaqlı,maraqlı...

Hekayə gəldi Sumanın xoşuna.Sakitləşdi Suma,atdanıb düşmədi,vaxt keçirmədi boş- boşuna...

Atası dedi ona:

-- Ay Suma,indi minə qədər saysana.

Saydı Suma,sayı çatdırdı sona.

Atası dedi ona:

-- Çox sağ ol atasının Suması,sonası.Ağıllı olsan,yaxşı oxusan,bilikli olsan ,olarsan atanın işıqlı səması...Mən bilirəm:

-- Atanın Suma qızı ,

Çəkəcək atasına.

O qoymaz ki,həyatda

Ata əyilə,sına.

Suma diqqətlə qulaq asdı.

Dedi atasına:

--- Mən yaxşı oxuyacam,ağıllı qız olacam.Qoymayacam heç

vaxt atam mənə görə utana,əyilə ,sına...

Atası dedi:

--Halal olsun atasının Sumasına,sonasına,

və işıqlı səmasına...

Suma çox sevindi, forslandı, nazlandı,qaçdı özünü atdı

atasının ağuşuna...