“Keşiş Baqrat Qalstanyan Rusiyanın ən yaxşı agentlərindən biridir...”

Siyasi hakimiyyətin sarsıldığı nədən görünür? Çünki Tavuş yeparxiyasının rəhbəri gəlir və birdən-birə siyasi hakimiyyət sarsıldı? Heç bir şey olmayacaq, çünki bu hərəkətlər 2018-ci ildən bəri mövcuddur.

Yenises.az  xəbər verir ki, bunu  NEWS.am-ın müxbirinə müsahibəsində hakim “Vətəndaş sazişi” partiyasından olan deputat Qaqik Melkonyan son hadisələr fonunda hökumətin sanki sarsıldığı barədə iradlara cavab verərkən söyləyib.

O qeyd edib ki, müxalifət xalqı toplaya bilməyib.

 “Baqramyan prospektini aylarla bağlı saxladılar. İnsanları toplamaq üçün hər şeyi etdilər, amma bacarmadılar. İndi isə arxiyepiskopla 40 nəfər gəzir. Nikol Paşinyan 12 nəfərlə Gümrüdən gəlib. Baqrat Qalstanyan bel çantasını unudub, götürməli idi. Bel çantası yoxdursa, uğur qazana bilməyəcək...

Əgər bir şey ciddi deyilsə, onu necə ciddi qəbul etmək olar? Əgər insanlar ölkəni dağıtmaq istəyirlərsə, hansı ciddilikdən danışmaq olar? Hə onlar Tavuşa yığışdılar və nə etdilər? Bəli, biz daha ciddiləşməliyik, ölkəni itirmək təhlükəsi var, bundan qorxmaq lazımdır... Onlardan üçüncü ölkə - Rusiya tərəfindən Ermənistanı müharibəyə sürükləmək üçün "beşinci kolon" kimi istifadə olunur”, - deyən Melkonyan əlavə edib ki, Erməni Apostol Kilsəsinin Tavuş yeparxiyasının baş məmuru Baqrat Qalstanyan bir çox digər ruhanilər kimi Rusiyanın ən yaxşı agentlərindən biridir.

“Rusiyanın Ermənistanda həmişə agentləri olub, onlar hələ də fəaldırlar. Kilsə DTK ilə əlaqəli idi. Xaricdəki keşişlərimizin yarıdan çoxu "KQB" agentləri idi. Bu barədə özləri danışırlar”, - deyə erməni deputat vurğulayıb.( Moderator.az )