Elnur Uğur Abdiyev - Sevgi fəsli

Ədəbiyyat 20:28 / 07.09.2025 Baxış sayı: 2954

 

Ümidlər yaşıl don geyinib,

Arzuların çiçək,

Həyatın ən kövrək günüdür.

Yağır,

İşıq seli yağır bu gecənin qatılığına.

Bütün fəsillər gözəldir

Özünə inananda,

Bütün fəsillər sevimlidir,

Yanında şaxtanı sındıra biləcək

Bir doğma nəfəs olanda.

Bu fəslin adı sevgi fəslidi.

Vüsalının dadı başqa,

İntizarı da təsəllidi.