Ehtiram Ilham : - Eşqi çıxsan...
****
Eşqi çıxsan, nəyin qalar...
Daşı, sonunacan apar.
Şükür, oğlun var, qızın var,
Deynən Allah verdiyidi.
Quşlara verib uçmağı,
İlana qıyıb sancmağı.
Qəh-qəh çəkib ağlamağı
Hönkür-hönkür güldüyüdü.
Göynədikcə için-için,
Cismin mafrax, ruhun üzgün.
Canına calanan hər gün
Gözlərinin gördüyüdü.
Ehtiramın hayı, küyü,
Tutan ha döy yeri, göyü.
Hər bilənin bilmədiyi
Bilməyənin bildiyidi.
06.05.24.