Əbülfət Mədətoğlu: - Yarıciddi ŞEİR

 

Ədəbiyyat 08:01 / 05.06.2023 Baxış sayı: 928

 

Papağı günə yandırıb,

Axşamın qapısın döydüm...

Mən özümü inandırıb -

Şair olduğumu öydüm!?,

 

Düşündüm, sözüm diridi,

Qələmim onun piridi!

Deyəcəm, hətta, yeridi -

"Dalda" gülənləri söydüm!..

 

Atdım özümü hər yerə,

Dedim,"böyüklər" kaş görə...

"Şair" deyib salam verə -

Alınmadı bu öyüdüm!..

 

Peşə imiş "dəsmal işi"...

Bacarmır bunu hər kişi!

Seyr edib dövrü, gərdişi -

Bir az gözümdə böyüdüm!