Əbülfət Mədətoğlu : - ÜRƏYİ...

Ədəbiyyat 09:17 / 20.09.2023 Baxış sayı: 2673

 

Mızıldanır öz-özünə dəli tək,

Tanıtsam da , köhnə adda , ürəyi!

Yapışıbdı bir istəkdən zəli tək -

Heç bilməzdim bu inadda, ürəyi?!

 

Budaqları sayıb keçib yarpağa,

Bu halına kaş ki, gəlib , yar baxa?!

Dilə tutub . haraylaya sabaha -

Ürəyinə istinadla, ürəyi!..

 

Yolu yorub, günü müstər eləyən,

Yanaq boyu göz yaşını selləyən...

Hər fürsətdə , dəsmal kimi yelləyən -

Bir dəli var, bil mən adda, ÜRƏYİ!