Avdı Qoşqar.- SƏNİ ALLAH ÇAĞIRARDIM...

Ədəbiyyat 09:04 / 03.11.2025 Baxış sayı: 1138

 

Səni Allah çağırardım

Bircə günahın olmasa.

Təbən olub baş əyərdim-

Pircə günahın olmasa.

 

Hansı ucadan enmisən?

Təriqətmisən,dinmisən?

Yerdə görünən günmüsən-

Sircə günahın olmasa.

 

Dünya olannan buracan,

Üfüqdə bir piyalə qan.

Dən kimi pərdə fırlanan-

Pərcə günahın olmasa.

 

İçinə gizlənib hamı,

Bilinmir ürəyin tamı,

Qır,dağıt yolu,ərkanı-

Hürcə günahın olmasa.