Adil Şirin-  YENƏ DAĞLAR YADA DÜŞDÜ

Ədəbiyyat 12:15 / 11.11.2025 Baxış sayı: 1072

 

Ana yurdum uca dağlar,

Uca dağlar, haça dağlar.

Oğulların iki qolu- iki qılınc,

Anaların iki gözü- iki çeşmə.

 

İki qolum- iki qılıncdı mənim,

İki gözüm- iki çeşmədi, ana.

Ümid dediyimiz gün işığı tək,

İşləyir ürəyə, iliyə, qana...

 

Yenə dağlar yada düşdü,

Yenə könül oda düşdü.

Həkərimin sularına

Qarışaydı qızıl qanım.

 

Torpağımız tutiyadı,

Dağlarımız allı-güllü.

Üzümüzdən, gözümüzdən

Dünyadan doymadığımız bəlli...