İSMAYIL MƏRCANLI İMANZADƏ : - NEYLƏSİN...

Ədəbiyyat 21:11 / 13.07.2024 Baxış sayı: 6323

 

Hər yetən umub-küsən,

Zəmanə, nə gündəsən?!

Kötük fəndgir,-yolkəsən,

Quruya yaş neyləsin?

 

Üz döndərənlər haqdan,

Yapışıblar ayaqdan...

Təpə öndədi dağdan,

Kəsəyə daş neyləsin?

 

Can hayındadı ərən,

Yaxşılar pərən-pərən...

Gözdü hər hökmü verən,

Kiprik, ya qaş neyləsin?

 

Kasıbın beli yağır,

Hər yalan vəd bir nağıl.

Dabandadırsa ağıl,

“Biçarə” baş neyləsin?..

13.07.2024