Ağaevli Əli Hacı : - Saxla,dünya düşənin var

Ədəbiyyat 10:45 / 10.06.2025 Baxış sayı: 1441

 

Saxla,dünya düşənin var

düşürüm səndən özümü !

Məni,sənə verənə de,

ölmək olmur adam kimi !

 

Çörək çıxmır Fələyinin

qapısından,bacasından !

Saxla,qırım öz ipimi

İntiharlar ağacından !

 

Duru gələn su bulanır,

burda kiminsə üzünə !

Allahda köməyə gəlmir,

kim kimin dursa üzünə !

 

O,günü ayaq üstəydim,

məni,sən bilmişdi hamı !

Dünən ayağım büdrədi,

tanımadılar qapımı !

 

Yaxşı adamlarla yeri,

böyür-başın adamsızdı !

Saxla,düşüm qan tökülüb,

ürəyimə sarı sızdı !