Təzad - Rafail Incəyurd

Ədəbiyyat 16:39 / 05.11.2024 Baxış sayı: 1616

 

Gələn dedi:

-Ay vəfasız, ay gidi...

Eşitdikcə dalğalandı, səngidi.

Özü boyda məhəbbətdi, sevgidi,

Özü boyda işgəncədi bu dünya.

Gah görürsən ölməzini öldürür,

Gah sehrini, gah sirrini bildirir.

Ağlamağın tutan yerdə güldürür –

Əzab dolu əyləncədi bu dünya.

Həyat nədi?

-Gördüyündü, İncəyurd.

Göylərə bax: qara bulud, ağ bulud...

Hər hikkəli kobudunnan kor-kobud,

İncəsinnən çox incədi bu dünya.

30.10.24