Saqif Qaratorpaq : - Başım qarışıb özümə,

Ədəbiyyat 08:28 / 03.06.2025 Baxış sayı: 1554

Başım qarışıb özümə,

Yox kimsəyə ehtiyacım.

Ürəyimin işiğında

Xumarlanır ağrım-acım.

 

Sıyrılıb çoxdan qopmuşam

Adamların səs-küyündən.

Yox bir zərrə umacağım

Doğmasından,ögeyindən

 

Eh...sizi də bağışladım,

Arxamca dodaq büzənlər.

Gedirəm...yolum uzaqdı,

Sevinsin məndən küsənlər.

 

Nə tutmağa ətək gəzdim,

Nə əllərim qaldı boşda.

Ancaq yandı qanadlarım

Ömürlə-günlə savaşda...

 

Yaramı sözlə sarıdım,

Qanım sızdı ağ varağa.

Bu havaya siz oynayın,

Dostlar,mən çıxdım qırağa.