İŞIQLANAN, SÖNƏN PƏNCƏRƏ - yazdı Ələddin Əzimli

Ədəbiyyat 14:47 / 09.07.2025 Baxış sayı: 1144

 

Söndü o pəncərə.

Baxa-baxa

itirdim o pəncərəni.

İndi gəl,

səhər elə gecəni.

Gecə

bir olar....üç olar....on üç olar...

nə bilim, neçə olar.

Yata bilsən,

özünü, yuxunu yora-yora

səhərə çatarsan.

Amma,

nə vaxtdır sönməklə,

qaranlığa bürünməklə

aldadar

məni o pəncərə.

Onsuz,

səhərin də,

həyatın da sonu gecədir-

əbədi qaranlıq.

Düşünməyə dəyməz bu haqda.

...Ey, sən,

zorla seçilən siluet,

nə gəzirsən buralarda?!

Söylə,

nə axtarırsan

bu zülmət qaranlıqda?!.