HƏRBİ QƏNİMƏTLƏR PARKINDA

(Hekayə)

Turqut babası ilə Hərbi Qənimətlər Pakına gəlmişdi.O, buradakı pulemyotlara, minamyotlara, tanklara, toplara, bir sözlə, bütün hərbi sursatlara çox maraqla tamaşa edirdi. Birdən o, babasına dedi:

-Baba, bu tanklardan birini mənə alarsan?

Baba gülümsəyə-gülümsəyə dilləndi:

-Əziz balam, bunların hamısı alınıb!

-Kim alıb ki, ay baba?

-İgid oğullarımız!

-Görəsən nə qədər pula alıblar, ay baba?

-Pulla almayıblar, bala! Qanla alıblar,qanla! Sən də böyüyəndə əsgər gedərsən. Onda lazım gələrsə, tank da alarsan, lap top da!..

-Alaram, baba, alaram! Lap hamısından da alaram!

10.09.2023

MÜQƏVVA DÜŞMƏN

(Hekayə)

Turqutla Aqil oyuncaq avtomatlarını götürüb həyətdə "dava-dava" oynamaq istədilər.Turqut dedi;

-Aqil, sən düşmən ol, döyüşməyə başlayaq.

Aqil razılaşmadı:

-Yox,sən düşmən ol...

Uşaqlar beləcə bir xeyli cəhliləşdilər.Heç biri düşmən olmaq istəmirdi.Onların cəhli çəkdiklərini görən baba yaxınlaşıb işdən halı olduqdan sonra gülümsəyə-gülümsəyə dilləndi:

-Bir az gözləyin, mən indi sizə düşmən taparam.

Baba bostana girdi və bir azdan geri döndü. O,ötən yazdan yerə sancdığı müqəvvanı əlində tutmuşdu:

-Buyurun, bu da sizin üçün düşmən!.. İndi nə qədər istəyirsiniz döyüşün.. .

Uşaqlar növbəylə müqəvvaya atəş açmağa başladılar...

2023