İlahi ! Qəribə bir yol salmısan,

Elə salıbsan ki,gedəm tək kimi !

İlan boğazından çıxıb uzunu,

Enin də tikilib dar köynək kimi !

Bir az yana çıxsan,bəndə düşərsən

Dayansan bu yolu tapdanacaqsan !

Qabağa getməyin mərc oyunudur,

Bəxtin gətirməsə,yandıracaqsan!

Qanadım olmadı göydə yol salam,

Sular da dəyişdi axarın mənə !

Quruya çıxmağa baxdım aşağı,

Göydən bulud yağdı,yuxarı mənə !

Bu yola işıq sal,durulsun bir az,

Yağışım,qarım var,qalar su altda !

İlahi ! Ömürdü,yeyib keçirəm,

Keçirəm ruhumun kölgəsi altdan !

Bu dar yoldan,bir yar yola

Çıxar məni bir var yola !

İlahi ! Gəl,ötür barı

Bu dar yoldan,o gor yola !