Adil Şirin : - Eşqini yarama basdım duz kimi...

Ədəbiyyat 12:15 / 14.07.2025 Baxış sayı: 1297

Sənsiz mən bu dünyanın

Ən acı günlərini

Yaşadım, sən bilmədin.

İllərlə bu həsrəti

Daşıdım, sən bilmədin.

Sən mənim son ümidim,

Gümanım, pənahımsan.

Sən mənim qədərimsən-

Savabım, günahımsan...

Sən üfüqdə görünüb,

Qeyb oldun ulduz kimi...

De, necə qıydın mənə?

Necə qıydın eşqindən,

Yaralı haqq aşiqinə?..

Eşqini yarama basdım duz kimi...