Əbülfət Mədətoğlu : - HEÇ

Ədəbiyyat 09:03 / 17.05.2024 Baxış sayı: 1826

Əbülfət Mədətoğlu

Mənim ürəyimin bülbül həvəsi,

Ötəri olmayan bir gül həvəsi...

Həzin pışıltılı sünbül həvəsi -

Sənin telinə də toxunmadı heç!..

 

Könlüm bu sevgiyə isti yuvadı,

Hər gün uzaq tutdun, hər gün bu adı!

Mənim yazdıqlarım Sənə duadı -

Dilinlə bir misram oxunmadı heç!..

 

Qalıbdı dünənim yadda dadıyla,

Bir az doğmasıyla, bir az yadıyla...

Həsrəti nişangah etmək adıyla -

Nə güllə, nə də ki, ox  ummadı heç!