Zəka Vilayətoğlu : - QOYMUR

Ədəbiyyat 09:33 / 14.06.2025 Baxış sayı: 1735

Bilirsən, arzular niyə gözəldir?!..

Xəyalı göylərdən enməyə qoymur!

Yandırır qəlbini bir çıraq kimi

Nə gecə, nə gündüz, sönməyə qoymur!

 

Nur olur ürəyə, nur olur gözə,

yayılır yanağa, yayılır üzə

Saxlayır insanı təzə-tər, təzə,

Qüssəni danışıb dinməyə qoymur!

 

Doğulur ürəkdə bir işıq kimi

olur ömrə, günə yaraşıq kimi

Sevib könül verən bir aşiq kimi

öluncə əhdindən dönməyə qoymur!

 

13.06.2025