Arzu Hüseyn : - Sən özün də mənə gerçək olmadın.

Ədəbiyyat 12:31 / 14.06.2025 Baxış sayı: 1626

Səndən sonra nə yaşandı, yalandı.

Sən özün də mənə gerçək olmadın.

Tez oyatdın, tez ayıldım — halaldı,

Həyatımda belə gerçək olmadı.

 

Yandırmağa nə ürək var, nə can var,

Bircə ovuc küləm, daha nə dərdin?

Mənim üçün sən həmin o son bahar,

Mənim üçün əzəl gündən kədərdin.

 

Səndən sonra olmadı ki bir ilkim,

Baş tutdumu gözlərində edamım?

Həyat elə qəliz düstur deyil ki —

Gah yaşarsan, gah ölərsən, adamım.