Ağaevli Əli Hacı : - DUA

Ədəbiyyat 11:17 / 14.07.2025 Baxış sayı: 1217

 

İlahi ! Bir sevinc ver,

Kədərimə yavanlıq !

Gün-güzəran verginən,

Qədərimə yavanlıq !

 

Ver göylərin yağışın,

Torpağına yavanlıq !

Kötüyün su içməsin,

Budağına yavanlıq !

 

Eçqini ver götürüm,

Yollarıma yavanlıq !

Yar yükünü bol elə,

Qollarıma yavanlıq !

 

Açarsız qoy qapımı,

Əllərimə yavanlıq !

Səd qoy,yersiz sözlərə

Dillərimə yavanlıq !

 

Fəsillərin geyimin,

Ver əynimə yavanlıq !

Yerin boş görünməsin,

Gir eynimə yavanlıq !

 

İlahi ! Bir sevinc ver,

Kədərimə yavanlıq !

Gün-güzəran verginən,

Qədərimə yavanlıq !