Adilə Nəzər : -ARZULAYIR

Ədəbiyyat 14:34 / 08.06.2025 Baxış sayı: 1175

 

Gözlər ruhun pəncərəsi,

Ruhum səni arzulayır.

Su torpağın tər nəfəsi -

Vahəm səni arzulayır...

 

Sən ey mənim sevgi pirim,

Daimim, əbədim, dirim,

Hərdənim, aradabirim,

Gahım səni arzulayır.

 

Sənə açdım pəncərəni,

Qəlb odum tutdu dərəni,

Seyr elə, gör mənzərəni

Ahım səni arzulayır.

 

Adilə, Onadır yolun,

Sinəndə bükülüb qolun.

Könül bağlayıb bu qulun

Şahım, səni arzulayır.

*Vahə - səhrada yaşıllığı olan (münbit) torpaq

08.06.2025