Aysel Xanlarqızı Səfərli : - Gecə keçib, qaranlıqda,

Ədəbiyyat 00:00 / 13.06.2025 Baxış sayı: 1000

Gecə keçib, qaranlıqda,

kölgəmlə rəqs edirəm.

Otağımı zəncirləyib

özümə,

həbs edirəm.

Bu şəhər də məndən gedib,

Evim ünvansız qalıb.

Ömür saatdan yıxılıb,

Əqrəb zamansız qalıb.

Barmaqlarım yanağımda

Təkliyin həzin ifası.

Nəfəsim boşa üfürən

Bir yanıqlı tütək səsi.

Sən yalnızlıq gəmisinin,

Dərddən məmnun kapitanı.

Onsuz da üzə bilmirəm,

Batır dayazında məni.

Gecə keçib, qaranlıqda,

Ayrılıqla rəqs edirəm.

Sən hər zalım davrananda,

Bil, mən də səndən gedirəm.

2022