XƏBƏR LENTİ
23 Oktyabr 2021
22 Oktyabr 2021
21 Oktyabr 2021



Səyyad Əlizadə vəfat etdi
MƏDƏNİYYƏT 08:08 / 01.10.2021

Tanınmış müğənni Səyyad Əlizadə vəfat edib.

Yenisəs.az  xəbər verir ki, bu barədə onun yaxınları məlumat yayıblar.

Qeyd edək ki, S. Əlizadə bir müddət əvvəl koronavirusa yoluxmuşdu. Müalicəsini davam etdirmək üçün Mərkəzi Gömrük Hospitalında EKMO cihazına qoşulmuşdu.

Səyyad Əlizadə 1958-ci ildə Füzuli rayonunun Babı kəndində anadan olub. 19 yaşında Azərbaycan Dövlət Televiziyasında "Xoş gördük, tələbə" verilişində çıxış edib. Tələbəlik illərində İslam Rzayevin "Araz" ansamblında çalışıb. 1988-ci ildə Azərbaycan İncəsənət İnstitutunun nəzdindəki Bakı Xalq İncəsənət Universitetinə daxil olub və 1990-cı ildə vokal ixtisası üzrə iki illik kursu bitirib. S.Əlizadə 1987-ci ildə ilk "Təbrizim" albomu buraxıb. 1990-cı il hadisələrindən təsirlənən müğənni "Azərbaycanım" adlı ikinci albomunu buraxıb. Son dövrdə "Bəyaz gecələr" Yaradıcılıq Mərkəzinə və "Bəyaz gecələr" MMC-yə rəhbərlik edirdi.

Allah rəhmət eləsin!


13641 oxunub

InvestAZ