XƏBƏR LENTİ
16 İyun 2021
15 İyun 2021
14 İyun 2021



Muradov Avdeyevlə əvəzlənir
HÜQUQ 15:25 / 13.05.2021

Azərbaycanın Qarabağ bölgəsindəki Rusiya sülhməramlı kontingentinin komandiri, general-leytenant Rüstəm Muradov vəzifəsindən kənarlaşdırılacaq.

Muradovun yerinə Cənubi Hərbi Dairə komandirinin müavini general-leytenant Aleksey Avdeev təyin ediləcək.

Məlumata görə, o, cümə axşamı Xankəndiyə gələcək, burada iki həftə ərzində işlərin təhvil alınması nəzərdə tutulur.

Bundan əvvəl Ermənistanın "Hraparak” nəşri yazıb ki, Ermənistan baş nazirinin müavini Tiqran Avinyan Rusiya rəhbərliyinə Muradov haqqında mənfi qiymətləndirmələri ehtiva edən məktub yazıb və orada onun komandirlik müddətinin uzadılmaması xahişi də əksini tapıb. Avinyanın sözçüsü sonradan bu məlumatı təkzib edib.

Qanuna görə, kontingent komandirləri hər altı aydan bir rotasiya əsasında dəyişdirilir, lakin heç bir tərəfin etirazı olmursa, səlahiyyət müddəti uzadıla bilər.

Aprel ayında Muradov təyyarənin Bakıdan niyə "hərbi əsir” olmadan qayıtması ilə bağlı "Hraparak”ın sualına cavab olaraq, Ermənistan rəhbərliyinin öz xalqını aldatdığını bildirmişdi. Yəni təyyarənin Bakıya "əsir” gətirmək üçün getmədiyini söyləmişdi. Qəzet yazır ki, bundan sonra Ermənistan rəhbərliyi onu əvəz etmək üçün səylər göstərib.

 


624 oxunub

InvestAZ