XƏBƏR LENTİ
07 May 2021
06 May 2021
05 May 2021



Rusiyadan tatarların liderinə qadağa
SİYASƏT 18:24 / 06.03.2021

Rusiya tatarların lideri və ukraynalı deputat Mustafa Əbdülcəmil Krımoğlunun Krıma giriş qadağasını 2034-cü ilə qədər uzadıb.

Yenisəs.az  bildirir ki, Teleqraf.com-un xəbərinə görə, bu barədə onun vəkili Nikolay Polozov məlumat verib.

Krımoğlu ilə əlaqədar Krımın Armyansk şəhərində keçirilən məhkəmə zamanı Rusiya Federal Təhlükəsizlik Xidmətinin (FSB) onun yarımadaya girişinə qoyulan qadağanı 15 il uzatdığı bildirilib.

Krımoğlunun baş verənlərə reaksiyası bu cür olub:

"Qərarın heç bir praktik mənası yoxdur. Çünki 2034-cü ildə mən də, işğal da yox olacaq. Güman edirəm ki, niyyətləri cəsədimin orada dəfn edilməsinə mane olmaqdır. Sovet dövründə də belə idi, bir məhbus həbsxanada öləndə həbs müddəti bitənə qədər cəsədini vermirdilər, bu qərar ona bənzəyir”.

Qeyd edək ki, Ukraynanın Krım yarımadası 2014-cü ildə Rusiya ordusu tərəfindən işğal edilərək, qeyri-qanuni yolla federasiyaya birləşdirilib.


834 oxunub

InvestAZ